Skipulagðir gönguhópar með reyndum leiðbeinanda — vor, haust eða allt árið. Greiddu einu sinni og gengðu allt tímabilið.
Gönguhópar FÍ eru áskriftarforrit þar sem þú kaupir þér inn í hóp fyrir tímabilið. Hóparnir hittast vikulega undir leiðsögn reynds leiðbeinanda og fara í fjölbreyttar göngur á höfuðborgarsvæðinu og nágrenni. Verðið nær yfir allt tímabilið — engar sérgreiðslur fyrir hverja ferð.
Þetta er frábær leið til að kynna sér náttúru Íslands, hitta nýja vini og vera í góðu líkamlegu ástandi. Allir eru velkomnir — óháð reynslu eða líkamlegri getu.
Kvennakraftur er gönguhópur fyrir konur sem vilja stíga sín fyrstu skref í fjallgöngum eða einfaldlega njóta náttúrunnar í afslöppuðu og jákvæðu umhverfi. Gengið verður annað hvert þriðjudagskvöld kl.18 og annan hvern laugardag kl.10 í sömu viku. Vorönnin lýkur með helgarferð í Þórsmörk.
Gönguhópur þar sem gengið er rólega á aðgengileg og auðveld fjöll. Lögð er áhersla á hæggöngu og að halda hópinn. Einn fyrir alla og allir fyrir einn. Hæggöngur úti í náttúrunni njóta vaxandi vinsælda og rannsóknir sýna að með því að ferðast rólega um úti í náttúrunni eykur það upplifun þátttakenda, dregur úr streitu og hefur margvísleg jákvæð áhrif á líkama og sál. Göngurnar eru vikulega og enda í maí með helgarferð og útskrift þar sem gengið verður um þriðja hluta af Kóngsvegi til Þingvalla og Laugarvatnsfjall toppað.
Árið 2026 verður þrettánda ár Alla leið. Megin markmið gönguhópsins er að undirbúa þátttakendur undir langa og krefjandi jöklagöngu að vori. Undirbúningurinn er í grunninn þríþættur: Að byggja upp þrek og styrk með stigmagnandi hætti, að læra að ferðast, nærast og búa sig á fjöllum með öruggum hætti, og að öðlast þá tækni sem þarf til að ferðast um jökla eða fjöll í vetraraðstæðum. Vordagskránni lýkur með göngu á einn af hæstu tindum landsins: Þverártindsegg, Sveinstindur, Eyjafjallajökull, Hvannadalshnúkur, Hrútsfjallstindar eða Birnudalstindur.
Gönguhópurinn FÍ Eldri og heldri. Ferðafélag Íslands heldur úti gönguferðum fyrir eldri og heldri félaga FÍ. Fátt er eins heilsubætandi og góður göngutúr nema þá kannski göngutúr í skemmtilegum hópi. Göngurnar hefjast 16. apríl og standa til 8. júní og eru við allra hæfi. Gengið verður tvisvar í viku, á mánudögum og fimmtudögum. Göngurnar hefjast kl. 11 á morgnana og eru um 60-90 mínútna langar. Gengið verður um ýmis hverfi á Stór-Reykjavíkursvæðinu.
Ertu til í að hreyfa þig, hlæja og njóta útiveru í góðum félagsskap? Kvennakraftur er gönguhópur fyrir konur sem vilja stíga sín fyrstu skref í fjallgöngum eða einfaldlega njóta náttúrunnar í afslöppuðu og jákvæðu umhverfi. Hópurinn hentar bæði byrjendum og þeim sem vilja taka þátt í rólegum, en fjölbreyttum göngum í fallegu umhverfi. Flestar göngurnar okkar eru með yfir 200 metra hækkun, en einnig eru á dagskrá nokkrar léttari láglendisgöngur. Kringum höfuðborgarsvæðið leynast ótrúlegar náttúruperlur – og við ætlum að skoða og sigrast á nokkrum þeirra saman. Gengið verður annað hvert þriðjudagskvöld kl.18 og annan hvern laugardag kl.10 í sömu viku.
Haltu áfram fjallaævintýrinu með FÍ Alla leið – haust! Þú styrkir þrek, færni og sjálfstraust í fjölbreyttum göngum um einstaka náttúru landsins, í góðum félagsskap og undir leiðsögn reyndra fararstjóra. Gönguhópurinn heldur áfram í haust með fjölbreyttri fjallgöngudagskrá sem hefst 29. ágúst og lýkur í lok nóvember. FÍ Alla leið er öllum opið, jafnt þeim sem hafa áður tekið þátt í fjallaverkefnum Ferðafélags Íslands sem og þeim sem vilja prófa þessa frábæru leið til að hreyfa sig, stunda útivist, njóta náttúrunnar og kynnast skemmtilegum fjallavinum. Á dagskránni eru 14 fjallgöngur, sex kvöldgöngur sem farnar eru á mánudögum og átta dagsferðir sem verða um helgar. Í þessu haustverkefni verður farin helgarferð í Þakgil og þá genginn hringur inn að Kötlujökli og um Huldufjöll á laugardeginum, á Hjörleifshöfða og Pétursey á sunnudeginum. Verð: 77.000 kr. fyrir félagsfólk. 86.900 kr. með árgjaldi FÍ 2026 innifalið í verði. Makar/sambýlisfólk greiða fjölskylduaðild, hálft árgjald. Afbókunarskilmálar: Afbókun eftir að verkefni er hafið — engin endurgreiðsla. Ferðafélag Íslands áskilur sér rétt til að hætta við, fresta eða breyta áætlun vegna veðurs eða annarra utanaðkomandi aðstæðna.
Tilboðið rann út 31. janúar. Samsettur hópur Kvennakrafturs — vor og haust saman á sérstöku tilboðsverði.
Tilboðið rann út 31. janúar. FÍ Alla leið vor og haust saman á sérstöku tilboðsverði.
Fyrir þá sem vilja njóta útiveru í fjölbreyttu íslensku umhverfi, ganga bæði á láglendi og hálendi, kynnast nýjum göngufélögum og upplifa áskoranir, fegurð og ævintýri íslenskrar náttúru. Göngudagskrá verkefnisins hefst 17. janúar og lýkur í byrjun desember. Farnar verða tvær ferðir í mánuði, alltaf á laugardegi, auk tveggja helgarferða í Skagafjörð og Húnavatnssýslu.
Í fótspor fornferðra á fornum slóðum. Komdu með í göngur þar sem fortíð og nútíð renna saman. Upplifðu landið okkar eins og það var fetað um aldir. Frá landnámi hafa þjóðleiðir myndast á milli landshluta og orðið eins konar æðakerfi um landið. Þessar fornu gönguleiðir hafa í sumum tilfellum staðið óbreyttar í hundruð ára og geyma ómetanlegar sögur um líf og ferðir fólks fyrr á tímum. Gengið er einn sunnudagsmorgun í mánuði. Um miðjan ágúst verður helgarferð, þar sem við göngum Kjalveg hinn forna.
Frábært tækifæri til að kynnast nýjum fjallavinum, njóta útivistar í góðum félagskap í fallegri íslenskri náttúru. Hópurinn hentar þeim sem hafa gaman af útivist og hreyfingu en vilja ekki endilega sækja mikið á brattann, en ráða þó við miðlungs erfiðar göngur á lægri fell. Gengin er ein ganga í mánuði og alltaf á laugardegi. Farnar verða 10 dagsferðir og ein helgarferð í júní.
Hópur sem hentar þeim sem hafa gaman af útivist og hreyfingu og að sækja á brattann. Gott er að einhver reynsla af fjallgöngum sé til staðar og þol nokkuð gott. Göngudagskrá verkefnisins hefst 17. janúar og lýkur 28. nóvember. Gengin er ein ganga í mánuði og alltaf á laugardegi. Farnar verða 10 dagsferðir og ein helgarferð í september í Húnavatnssýslu.